Mac baten fitxategiaren bidea

Mac sistemetan erraza da ikustea zein den fitxategi baten izen osoa, izena eta bidea. Horretarako, Finder zerbitzuaren bitartez fitxategiaren gainean kokatu eta dagokion ikonoan sakatzea aski da:

Adibide honetan Hitzak.txt fitxategiaren bide osoa honako hau dela ikusten da:

/Users/jesusromouriarte/Desktop/TEXT/Hitzak.txt

Baina, izen osoa zein den ikustea erraza bada, Mac sistemetan ez da horren erraza eskuratzea. Hau da, Hitzak.txt fitxategiari dagokion /Users/jesusromouriarte/Desktop/TEXT/Hitzak.txt katea lortzea eta beste toki batean kopiatzea ez da berehalako lana. Kate hori eskuratzeko honela jokatuko dugu:

1. Finder bitartez Hitzak.txt fitxategiaren karpeta irekiko dugu.
2. Saguarekin Hitzak.txt fitxategia aukeratuko dugu eta aldi berean kopiatzeko keinua egingo dugu, hots, ctrl tekla sakatuko dugu. Irekiko den leiho berrian aukera desberdinak daude, eta besteak beste Copiar "Hitzak.txt" hautapena. Ikusi beherago erakusten den irudia.
3. Ireki den leiho berriaren aukera ezkutuak erakusteko alt tekla sakatuko dugu eta Copiar "Hitzak.txt" hautapenaren ordez Copiar "Hitzak.txt" como ruta hautapena ikusi ahalko da.
4. Copiar "Hitzak.txt" como ruta hautapenaren gainean klikatu eta bere edukia "Portapapeles" delakoan gordeko da, hori bistaratzeko Fider > Edición > Mostrar portapapeles bitartez ikusi ahalko da.

ctrl+sagua egitean leihoa agerian delarik, aukera ezkutuak erakusteko alt tekla sakatu.

---

Adibide 1

Mahaigainean dagoen TEXT karpetako Hitzak.txt fitxategiaren bide osoa:

/Users/jesusromouriarte/Desktop/TEXT/Hitzak.txt

---

Adibide 2

ESKOLAKOAK izena duen kanpoko memoria bateko Datuak izeneko karpeta batean gordetik dagoen Hitzak.txt fitxategiaren bide osoa:

/Volumes/ESKOLAKOAK/Datuak/Hitzak.txt

2018-02-11: gure barrikada

[Euskeraz]  [Gaztelaniaz]

Guri dagokigun barrikadan 3 jarduera burutuko ditugu, kantua eta dantza batu egiten dituzten jarduerak izango dira partaide bakoitzak bere burua nahi duen lanetan jar dezan. Jarduerak hauek izango dira: Gabota Eskotixa Kontradantza Jarraian jarduera bakoitzaren nondik norakoak aipatuko ditugu.

---

Gabota

Sarritan korroan dantzatzen da baina guk, kasu honetan, lerroetan dantzatuko dugu. Oraindik goiz da eta ezin dira erakutsi, baina doinuari hitzak jarriko dizkio Jokinek, horrela dantzatzeaz gain kantuan arituko gara.

Hona hemen adibidetzat, Aiziritze herrian jasotako irudiak:

Aiziritze (Baxenafarroa), 1989ko urtarrila

Esan bezala, guk ez dugu irudietan ikusten den bezala dantzatuko, lerrokatuz dantzatuko dugu. Dantza hau erraz ikasten da jauzien familiakoa delako. Hona hemen zer jakin behar dugun:

• Kontrapas
• Ezker, eskuin
• Lauetan erdizka
• Antrexata (antrexata sinplea)

---

Eskotixa

Bikoteka egiteko dantza da baina guk, barrikadaren kasu honetan, bikoteak lerroetan jarriko ditugu. Hemen ere, kontrapas urratsa erabiliko dugu eta gainerakoa mugimendu koreografikoak besterik ez da: beraz, erraza. Dantza erraza izan arren, dantzariak ez direnek kantuan lagundu ahal izango dute.

Jarraian eskotixa baten adibidea erakusten da ideia hartu ahal izateko:

Andra Mari Dantza Taldea, Galdakao (Bizkaia)

Borroka eta lehia giroan ibiliko garenez, Hiru Truku taldearen Neska Soldadua bertsioa da aukeratu dugun exkotixa:

---

Kontradantza

Aukeratu dugun kontradantza kadrile bat da laukoteka dantzatzen delako. Salbatzaile Dantza Taldeko bisitariekin adiskedetu eta barrikada gainditu ondoren dantzatuko dugu kantradantza, horretarako guretariko bakoitzak bisitari bat hartuko du eta laukoteak osatuz dantzatzeari ekingo diogu.

Erabiliko ditugun mugimendu koreografikoak oso errazak dira, ikusgarriak izanik errazak izango dira. Lehen bezala, ideia hartu ahal izateko, jarraian kontradantza desberdinen adibideak ikus daitezke, hona hemen Lekorne herrian jasotako irudiak:

Lekorne (Lapurdi) 1996ko Kabalkadan